Kirta is und gwonnen hama! Endlich is da Eringer Kirta wieder!
Nachdem des schene Fest 2 moi hintereinander ausfallen hod müssen, is jetzt umso schöner, wieder aufn Kirta geh zum können.
Gestern warn ma natürlich beim Kirtaauszug mitdabei und ham uns dann im Festzelt zum gmütlichen Beisammensein zamgfundem.
Bsonders schee is, dass ma a bei da Gemeindemeisterschqft im Kleinkaliber-Schießen wieder mit 3 guten Mannschaften dabei waren. Des Jahr ham wirs endlich wieder gschafft, den 1. Platz in da Gruppenwertung zu gwinnen!! Do ham wirs uns natürlich ned nehmen lassen, des super Ergebnis nu gscheid zum Feiern.
Und a a zweiter Pokal - natürlich a wieder da 1. Platz - ging in unsere Vereinsreihen: Franz Osterholzer jun. war da Beste in da Einzelwertung und hod sie so a über einen eigenen Pokal gfrein dürfen.
Auf de Fotos oa moi des Gruppenbild mit allen Gewinnern, Veranstalter und Bürgermeister. Und aufn zweiten Bild san nu unsere Gewinner mit den Pokalen.
