Aus is und gar is & schod is dass wahr is! Letzts Wochenende war da Eringer Kirta von da Gemeinde Ering!
Selbstverständlich war des fia uns a sehr ereignisreiches und scheens Kirta-Wochenende.
Los ganga is am Freitag, wo wir scha beim Kirta-Auszug mitganga san. Bsonders schee wars, dass so vui junge mit dabei warn.
Im Festzelt der Zeiler Volksfeste hamas uns dann guad geh lassen. Zudem gabs de Preisverleihung der Kleinkaliber-Dorfmeisterschaft. Trotz Punktgleichheit wars a ganz knappe Gschicht: oane unserer drei Gruppen is des Jahr tatsächlich wieder auf Podest kema: wir gfrein uns narrisch über an super 2. Platz a da Dorfmeisterschaft. Zudem is unser Kassier, da Georg Butz in da Einzelwertung aufn 3. Platz kema und a numoi mit an Pokal auszeichnet worden! So san wir schlussendlich mit 2 super Pokalen Nachhause ganga. Respekt!
Am Kirtasonntag is uns dick eiganga: selbstverständlich hama in da früh um 8:45 Uhr am Erntedankgottesdienst teilgnommen, ehe es mit am Festzug wieder zum Kirta raus ging. Dort hama uns an Weißblauen Stammtisch anhören derfa.
Nachmittags hama dann des erste mal beim Gaudi-Kuppelcup - super ausgerichtet von unseren Freunden der Feuerwehr Ering - mit a Gaudimannschaft teilgnommen. Knapp wars a da wieder: bloß a paar Sekunden ham uns vom ersten Platz getrennt. Oba für de erste Teilnahme san wir mit unserer Gaudi-Mannschaft a mitm zweiten Platz super zufrieden. Nächsts Jahr wirds dann da erste Platz auf jeden Fall wars a saubere Gaudi. Uns hods gfreid dass ma mitmocha haben derffa.
Auf Nacht am Sonntag hama dann a nu mit an Kandidaten aus unseren Reihen bei da Kirtabua-Wahl mitgmacht. Da Simon Moharitsch hod bei vui verschiedenen spannenden Aufgaben mitgmacht. So war zum Beispiel Armdrücken, Maßkrugstemmen, Dichten und beim Quizen gefragt. A des war a saubere Gaudi - a wenns ned ganz fian Kirtabua glangd hod. Nächsts Jahr dern ma dann bei da Wahl vom Kirtamadl mit. Do drauf gfrein wir uns a scha wieder!